MK Leasing xalqaro islom moliyasi standartlariga muvofiqlik sertifikatini qo‘lga kiritdi

MK Leasing bosh ofisida kompaniya xodimlari uchun Mezon Kengashi vakillari tomonidan islomiy moliyaviy vositalarga bag‘ishlangan taqdimot bo‘lib o‘tdi.

Uchrashuv davomida ishtirokchilar Murabaha, Musavama va Ijara (moliyaviy lizing) kabi vositalarining ishlash tamoyillari bilan batafsil tanishdilar. Mezon Kengashi vakillari ushbu mahsulotlarning asosiy xususiyatlari va amaliyotda qo‘llanilishi haqida so‘zlab berishdi.

MK Leasing Uzbekistan rahbariyatiga AAOIFI standartlariga muvofiqlik sertifikati, shuningdek, kompaniya tomonidan ishlab chiqilgan Ijara, Murabaha va Musavama mahsulotlari bo‘yicha shartnomalar, ichki qoidalar va tartib-qoidalar, xalqaro talablar va islomiy moliyalashtirish tamoyillariga muvofiqligini tasdiqlovchi ilova topshirildi. Kompaniyaning ushbu yo‘nalishdagi faoliyati Mezon Kengashi tomonidan har yili monitoring qilib boriladi.

Ushbu sertifikatning olinishi kompaniya rivojlanishidagi muhim bosqich bo‘lib, MK Leasing Uzbekistan’ning mijozlariga xalqaro tashkilotlar tomonidan tasdiqlangan zamonaviy moliyaviy yechimlarni taklif etishga bo‘lgan intilishini tasdiqlaydi.

AAOIFI (Accounting and Auditing Organization for Islamic Financial Institutions) — butun dunyo bo‘ylab islom banklari va moliya bozorlari uchun yagona qoidalar, shariat qonunlari, hisob va audit me’yorlarini yaratuvchi asosiy xalqaro notijorat tashkilotdir.

Mezon Kengashi — mustaqil shariat kengashi vazifasini bajaruvchi hamda islom moliyasi, audit, sertifikatlash va biznes-konsalting sohalarida ekspert xizmatlarini ko‘rsatuvchi O‘zbekiston konsalting kompaniyasi.